Apadriñamento lector

Iniciamos un ano máis o Apadriñamento Lector, unha actividade cooperativa na que o alumnado dos cursos superiores exercen como padriños e madriñas lectores dos/as alumnos/as máis pequenos, coa intención de mellorar a competencia lectora e de favorecer a interrelación entre os distintos cursos.

Como o curso anterior, participa todo o alumnado de primaria: Os de 1º cos de 4º, os de 2º cos de 5º, e os de 3º cos de 6º. A pasada semana fixemos a presentación das parellas. Ahí van unhas fotos para que vexades como foi

Se el nacera muller

Comezamos o traballo sobre a igualdade de xénero a través da lectura e posterior reflexión  dun texto do escritor uruguaio Eduardo Galeano. 
Esta actividade atopámola  na Unidade Didáctica "Eu tamén quero ser..." do Proxecto Conta con Elas da Área Metropolitana de Vigo.

Ántar e Pedro contan:


Esta actividade consistía en ler un texto titulado “Se el nacera muller”, que trata da historia da irmá de Benjamín Franklin. Despois tivemos que resolver unhas cuestións de reflexión sobre o texto en grupos de cinco persoas (nos que había un secretario, o que escribía, e un portavoz). A continuación o portavoz de cada grupo expuso o traballo diante de toda a clase. Por último, nosa profesora Rosana, fíxonos unhas preguntas sobre a participación dos membros do grupo no traballo.

Pareceunos moi interesante porque vimos as diferencias de oportunidades que pode haber entre un home e unha muller.

LaTristeza y la Furia

En esta actividad intentamos reflexionar sobre la gestión de las emociones, utilizando el siguiente cuento (adaptado de Jorge Bucay):

 LA TRISTEZA Y LA FURIA 

En un reino encantado donde los hombres nunca pueden llegar, o quizás donde los hombres transitan eternamente sin darse cuenta... 

En un reino mágico, donde las cosas no tangibles, se vuelven concretas... 

Había una vez... un estanque maravilloso. 

Era una laguna de agua cristalina y pura donde nadaban peces de todos los colores existentes y donde todas las tonalidades del verde se reflejaban permanentemente...

Hasta ese estanque mágico y transparente se acercaron a bañarse haciéndose mutua compañía, la tristeza y la furia. 

Las dos se quitaron sus vestimentas y desnudas las dos entraron al estanque. La furia, apurada (como siempre está la furia), urgida -sin saber por qué- se baño rápidamente y más rápidamente aun, salió del agua... Pero la furia es ciega, o por lo menos no distingue claramente la realidad, así que, desnuda y apurada, se puso, al salir, la primera ropa que encontró... 

Y sucedió que esa ropa no era la suya, sino la de la tristeza... Y así vestida de tristeza, la furia se fue. 

Muy calma, y muy serena, dispuesta como siempre a quedarse en el lugar donde está, la tristeza terminó su baño y sin ningún apuro (o mejor dicho, sin conciencia del paso del tiempo), con pereza y lentamente, salió del estanque. En la orilla se encontró con que su ropa ya no estaba. 

Como todos sabemos, si hay algo que a la tristeza no le gusta es quedar al desnudo, así que se puso la única ropa que había junto al estanque, la ropa de la furia. 

Cuentan que desde entonces, muchas veces uno se encuentra con la furia, ciega, cruel, terrible y enfadada, pero si nos damos el tiempo de mirar bien, encontramos que esta furia que vemos es sólo un disfraz, y que detrás del disfraz de la furia, en realidad... está escondida la tristeza.

Arán y Yoel os cuentan lo que hicimos: 

"En esta actividad trabajamos un texto en el que aparecía un lugar donde las cosas irreales se convertían en tangibles. Un día la Tristeza y la Furia se iban a bañar a un estanque. La Furia salió rápidamente y cogió la ropa de la Tristeza. Más tarde la Tristeza salió y cogió la ropa de la Furia.

Este texto se trabajó en 3 sesiones. En la primera, Rosana nos leyó el texto y tuvimos que responder individualmente a algunas preguntas. En la segunda formamos grupos, pusimos en común las respuestas y contestamos juntos a más preguntas. En la última comentamos lo que hizo cada grupo con el resto de la clase y descubrimos que casi ningún grupo había entendido bien el texto.

Este trabajo nos hizo pensar mucho y descubrimos que cuando estamos tristes no queremos que nos molesten y, si lo hacen, nos cabreamos por nada"

Día da Paz 2013

Coincidindo coa celebración do Día Escolar da Non Violencia e a Paz, o pasado 30 de xaneiro realizamos unha dinámica que nos relatan Helga e Nerea:

"O día 30 de xaneiro, os nenos e nenas de 6º, fixemos unha actividade na clase para celebrar o Día da Paz. A profesora Rosana deunos unhas tiras de papel. Nelas estaban escritas unhas frases ditas por persoas pacifistas moi coñecidas. Rosana cortounas á metade e deunos a algúns o principio e a outros o final das frases. Logo tivemos que buscar á persoa da clase que tiña a outra metade. Cando xa estabamos coas nosas parellas, escribimos as frases nun folio e intentamos averiguar o que significaban, xa que case todas estaban en sentido figurado. Tamén intentamos adiviñar quen as dixera. Unhas eran de Gandhi, outras da Nai Teresa de Calcuta, de Isaac Newton...

A nós gustounos moito porque aprendemos frases que dixeron persoas moi importantes. Estes intentaron que neste mundo cheo de guerras e desprezos, houbera un pouco de paz, aínda que tiveran que pasar por terribles sufrimentos, como folgas de fame, para conseguilo".

Aquí deixamos unhas imaxes:

A gimcana das palabras

Unha vez formados os grupos coa Cor do Silencio, continuamos traballando os Dereitos Humanos cunha actividade que xa fixeramos fai dous cursos. Está adaptada da Gran Proba das Cores dos Materiais para a Educación en Dereitos Humanos de Amnistía Internacional. O seu obxectivo é que tomen conciencia da diferenza de oportunidades que existe entre as persoas.

Cada grupo debe realizar tres probas pero, "misteriosamente",  non todos se enfrentan ao xogo en igualdade de condicións. Para uns será extremadamente sinxelo, para outros moi dificultoso e para os terceiros totalmente imposible. Todos experimentan as tres situacións, así que o resultado é o empate.

Na posta en común chegan a conclusión de que non todos temos as mesmas oportunidades de partida e que por iso hai que seguir loitando polos Dereitos Humanos.

Así o viviron Agustín e Juan:

"El pasado 12 de diciembre, los de 6º hicimos una actividad muy divertida en la que participó toda la clase, dividida en grupos de ocho personas. En cada grupo tuvimos que elegir un portavoz y a una persona distinta para escribir las respuestas (secretario/a).

El portavoz tenía que recoger unos mini pergaminos donde estaban escritas unas pruebas.

En la primera, teníamos que buscar varias palabras en el diccionario, pero había alguna por el medio inventada.

La segunda consistía en adivinar una frase, que era: Buzón de Convivencia.

Y en la tercera había que representar una escena con gestos y sin palabras.

A cada grupo, una de las pruebas le resultaba imposible, otra era complicada y la otra facilísima."

Incluímos  a continuación os vídeos da terceira proba:

 Miles de grans de area desintégranse na praia de Rodeira

A retransmisión da proba dos 200 m lisos nos Xogos Olímpicos de Londres

Unha persoa atópase mal no cine e a xente que está alí acude a axudala

Día Internacional da Muller

                          

Apadriñamento Lector

Un curso máis poñemos en marcha esta actividade de aprendizaxe cooperativa, na que un alumno ou alumna dos cursos superiores fai de padriño ou madriña de lectura de un alumno ou alumna dos cursos inferiores. 

O obxectivo é, por unha parte, mellorar a competencia lectora tanto dos alumnos titores como dos titorandos e, por outra parte, favorecer a interacción social entre alumnado de distintos cursos.

Esta vez, tendo en conta as suxestións dos/as alumnos/as de 1º e 6º que participaron o ano pasado, pensamos que era boa idea amplialo a todos os cursos de Primaria. Así, os de 4º serán padriños e madriñas dos nenos e nenas de 1º, os de 5º estarán cos de 2º, e os de 6º cos de 3º.

Nestes días fixemos xa as presentacións das parellas tal e como ilustran as seguintes imaxes.

 1º e 4º

 2º e 5º

 3º e 6º

Esta semana comezarán xa a ler. Para eso utilizaremos unha sesión semanal da hora de ler: os martes 3º e 6º, os xoves 2º e 5º, e os venres 1º e 4º.

Seguiremos informando...

A cor do silencio

Aproveitando a celebración do Día dos Dereitos do Neno, o 20 de novembro, e o Día dos Dereitos Humanos, o 10 de decembro, iniciamos unha serie de actividades relacionadas con estes Dereitos, que interconectan os tres bloques de contidos.

A cor do silencio, adaptada dos Materiais para a Educación en Dereitos Humanos de Amnistía Internacional, é a primeira destas actividades. O seu obxectivo é formar os grupos de traballo.

 Así o relatan Abel e Carol:

O día 28 de novembro, na clase de Cidadanía, fixemos unha actividade que consistía en facer un círculo en silencio e cos ollos pechados, mentres a profesora Rosana íanos pegando na espalda gomets de distintas cores e formas.

Logo tivemos que xuntarnos coa xente que tiña a mesma forma e cor que nós, pero para iso tiñamos que, sen falar, preguntar con xestos aos compañeiros como era a nosa pegatina, e eles tiñan que sinalar a cor que era.

A actividade realizouse correctamente pero, finalmente, Abel quedou so e tivemos que acollelo nun grupo.

Foi unha actividade divertida e o que Rosana quería transmitirnos era que podía acollerse a alguén que é diferente a nós. 

 

O autoconcepto

Continuamos traballando a identidade e o autocoñecemento, esta vez centrándonos no autoconcepto. Para iso adaptamos unha actividade do programa de Patricio José Ruiz Lázaro "Promoviendo la adaptación saludable de nuestros adolescentes" (Premendo no título atoparás o documento en PDF).

Arón e Jose contan:

O mércores día 7 de novembro, na clase de Cidadanía, estivemos facendo unha ficha que se trataba de coñecernos a nós mesmos. Nela aparecían algunhas cousas como por exemplo: como me atopo na familia, na escola ou como me relaciono cos meus compañeiros... Na nosa opinión esta actividade foi importante porque nos fixo reflexionar e coñecernos mellor.

Os xirasois

Este é o traballo que fixemos na Aula de Apoio para o calendario do colexio. Como nos tocou o mes de xullo eliximos os xirasois, xa que florecen nese mes. Para inspirarnos, utilizamos un pequeno xirasol que nos trouxo a profe Chus e tamén o cadro "Os Xirasois" de Vincent van Gogh. 

Aquí vos deixamos unhas imaxes de todo o proceso.

Autorretrato

Iniciamos con esta, unha serie de actividades destinadas a traballar a Identidade Persoal, que forma parte do primeiro Bloque de Contidos, "O individuo e as relacións interpersoais e sociais".

Para comezar, dedicamos unha sesión a acadar unha definición conxunta e consensuada para distintas calidades persoais, de xeito que todos entenderamos o mesmo ao falar dunha persoa tolerante, alegre, positiva, preguiceira, xenerosa, rebelde, simpática, sincera, vergoñenta e confiada. 
Logo pasamos a completar un gráfico de barras no que tiñamos que valorarnos a nós mesmos en todas esas calidades persoais (tomado  do material de Educación en Valores de Kitscaixa).

A continuación fixemos dous autorretratos, un por escrito no que tiñamos que describirnos apoiándonos nas calidades da actividade anterior, e outro que consistiu nun debuxo de nós mesmos. Máis que a calidade artística importaba o feito de reflectir os aspectos físicos máis salientables de cada quen.

Na última sesión houbo, coma sempre, unha posta en común na que se leron os autorretratos e se amosaron os debuxos para que o grupo identificase a quen facían referencia 

Así o contan Salwa e Ruth:

O mércores 24 de outubro, na clase de Cidadanía, os de 6º fixemos un autorretrato para coñecernos mellor. Tratábase de facer un gráfico de barras valorando se eramos tolerantes, agradables, rebeldes, sinceros... Despois fixemos outra actividade describindo a nosa forma de ser e finalmente debuxámonos a nós mesmos. Na seguinte clase, a profesora Rosana leu algúns traballos e nós tiñamos que acertar de quen eran. A experiencia foi moi divertida e interesante porque axudounos a coñecernos mellor a nós mesmos e a todos os que nos rodean.

Día dos Dereitos Humanos

Hoxe commemórase a Declaración Universal dos Dereitos Humanos, asinada pola Asemblea Xeral da ONU o 10 de decembro de 1948. 

A Oficina do Alto Comisionado para os Dereitos Humanos define a estes como "dereitos inherentes a todos os seres humanos, sen distinción algunha de nacionalidade, lugar de residencia, sexo, orixe nacional o étnica, color, relixión, lingua, ou calquera outra condición. Estes dereitos son interrelacionados, interdependentes e indivisibles", e afirma que "os dereitos humanos universais están a menudo contemplados na lei e garantidos por ela, a través dos tratados, o dereito internacional consuetudinario, os principios xerais e outras fontes do dereito internacional".

Lamentablemente, o feito de que a cotío comprobemos nas noticias con que impunidade se incumplen en diversos lugares do mundo estes dereitos, fai necesario que sigamos lembrando esta data e, sobre todo, transmitindo na escola os valores que representa.

Este vídeo ofrécenos un breve repaso da historia dos Dereitos Humanos.

Eleccións de Representantes

A primeira actividade que levamos a cabo está relacionada co terceiro Bloque de Contidos "Vivir en sociedade". Fixemos unha campaña electoral na que se presentaron os candidatos/as que consideraban posuír as calidades persoais que require un bo representante da clase. Os/as candidatos/as fixeron os seus discursos tratando de expoñer as súas propostas ao resto dos compañeiros/as. 

Constituíuse a mesa electoral, formada polo alumno máis novo como Secretario, o máis vello como Interventor, e o titor como Presidente da mesa. A continuación, coa lista da clase como censo electoral, procedemos á votación e ao reconto de votos do que saíron designados representantes de 6º curso Arán Langarica e Javier Rodríguez. Noraboa!

Os dous protagonistas relatan como viviron o proceso: 

"O 10 de outubro foron as eleccións para votar aos representantes de 6º, como cada curso eliximos dous. Cada persoa que quería ser canditato/a a representante tiña que facer un discurso. Houbo unha mesa electoral na que estaban Ántar, por ser o máis novo e Benjamín por ser o máis vello; tamén estaba Antonio, o profesor. A nós encantounos saír elixidos representantes e estamos moi contentos de ter esa responsabilidade".

CIDADANÍA 2012-2013

Comezamos a asignatura de Educación para a Cidadanía e os Dereitos Humanos, cunha presentación que recolle os obxectivos e os contidos que imos desenvolver neste curso.

(Preme na imaxe para acceder á presentación)

Ola de novo!!!

Tras un doce paréntese para a maternidade, retomamos o blog de Auladiver

XA ESTAMOS DE VOLTA!!!

CONECTANDO MUNDOS

No segundo trimestre, os cursos de 5º e 6º estivemos participando nunha actividade promovida por Intermón Oxfam, chamada Conectando Mundos. Un mundo cambiante, un puzzle en construcción.

Laura e Nico cóntanolo así:

Os nenos e nenas de 6º curso fixemos un xogo de mesa baseado na Identidade, na Participación, na Xustiza e na Diversidade, coa colaboración de Conectando Mundos, unha proposta de Intermón Oxfam , que é unha ONG (Organización Non Gubernamental). Nesta actividade tamén participaron colexios de distintas partes do mundo.

Na primeira fase eliximos na clase un nome para o xogo, cada un de nós propuxo un e despois votamos o que máis nos gustaba: DIVERMULTIMIX. Escollimos tamén tres probas das propostas por Conectando Mundos: Mímica, Acción e Pasapalabra.

Na segunda fase votamos os nomes propostos polos outros colexios do noso equipo e... ¡Gañou o noso! E tamén tiveron máis votos as probas elixidas por nós, así que comezamos a pensar na elaboración de cada unha delas.

Na terceira fase tivemos que construír todo o xogo: o taboleiro con tarxetas plastificadas; con plastilina as fichas, os dados, as casas, os rañaceos e as obras públicas; e con cartulina os camiños, as tarxetas das probas e as das obras públicas.


Escribimos as normas do xogo e fixemos tamén unha caixa para gardalo.Para elixir a portada houbo outra votación:

Para rematar, tivemos que xogar unha partida ao DIVERTIMULTIMIX.



A nós pareceunos moi divertido e moi interesante participar con nenos e nenas doutros coles e doutros países. Gustounos moito elaborar o xogo.

Agora que xa está rematado donarémolo á Biblioteca para que todos e todas poidan pasalo moi ben xogando con el.

Podedes ver o traballo de 5º no seu blog: Rizando o rizo

De Infantil á ESO

Dentro das actividades de convivencia intercentros que vimos realizando neste curso, tivemos a oportunidade de visitar o IES de Rodeira.

Nesta ocasión, foron os/as alumnos/as de Infantil de 5 anos os que puideron compartir co alumnado de 1º da ESO (que está a facer un traballo sobre os monumentos de Cangas) o proxecto que desenvolveron durante o primeiro trimestre sobre a escultura de Manuel Coia "O Galeón", tamén coñecido como "A Serea".

Os pequenos fixeron unha exposición acompañada de fotografías e dos traballos que elaboraron en diversos soportes durante a investigación e as tarefas que levaron a cabo. Nun segundo momento, os maiores plantearon cuestións aos pequenos sobre o desenvolvemento de todo o proceso. Finalmente, tivo lugar unha actividade común de modelado da Serea en plastilina e todos/as puidemos ver o resultado exposto na Biblioteca do Instituto.

Antes de despedirnos, agasalláronnos con lambetadas e nós deixámoslles un dos nosos debuxos da Serea. O remate da saída foi unha merenda no centro de Cangas, xusto enfrente do Galeón.

Foi unha actividade moi entretida e aprendemos todos/as moito. Dende aquí queremos dar as grazas ao profesorado e ao alumnado do IES de Rodeira pola súa acollida e atención, e a nosa noraboa aos alumnos e alumnas de 5 anos e ás súas profes por un traballo tan ben feito.

Aí van unhas imaxes:

O mapa dos Dereitos Humanos

Recapitulando todas as actividades que fixemos en torno aos Dereitos Humanos e aos Dereitos dos Nenos e Nenas, realizamos un traballo final a modo de conclusión: O mapa dos Dereitos Humanos.
Traballamos en pequenos grupos. A primeira parte consistíu en imaxinar que tiñamos a posibilidade de crear e habitar un novo país e, para iso, foi necesario consensuar os dereitos que ían ter os seus poboadores. Cada membro do grupo propuxo tres dereitos e chegou a un acordo sobre 10 dereitos fundamentais.
Nun segundo momento puxemos en común as propostas de cada grupo e decidimos entre todos os nosos Dereitos Humanos. Lóxicamente, coincidían na súa maior parte cos recoñecidos internacionalmente, como comprobamos despois de traballalos.
Para rematar, cada grupo elaborou un mapa do seu novo país, coa consigna principal de representar os símbolos dos dereitos que defendían dentro do mapa, e as cousas negativas que deberían desaparecer fóra do mapa.
Tras unha autoavaliación de todo o traballo realizado e algún tempo extra para rematalos, fixemos unha pequena exposición dos mapas no corredor do cole.

Estela, Ruth e Diego, resumen a última parte:

En Cidadanía, o pasado venres 28 de xaneiro fixemos un traballo do país dos Dereitos Humanos. Tiñamos que facer un mapa poñendo as cousas que eran boas dentro e as malas fóra. Puxemos os nosos nomes por detrás e na parte de diante o nome do país: "Mapa de...", os debuxos de dentro e de fóra, e despois coloreamos todo. Máis tarde vimos os debuxos de todos os grupos e valoramos se seguiron as instruccións, cal tiña máis cousas dentro e fóra, e que nota se poñía cada grupo a si mesmo e aos demais.

As 1000 grúas da Paz

En Educación para a Cidadanía continuamos traballando os Dereitos Humanos e, ligado á celebración do Día da Paz, tivemos a oportunidade de realizar outra actividade de convivencia cos alumnos e alumnas do IES de Rodeira, neste caso de 4º da ESO.

Primeiro contáronnos a historia de Sadako Sasaki, unha nena xaponesa que morreu de leucemia en 1955, un dos efectos secundarios da bomba atómica lanzada sobre Hiroshima dez anos antes. E despois, ensináronnos a facer grúas de papiroflexia que penduramos na clase como símbolo de paz e convivencia.


Para Felipe e Lía foi así:

O día 21 de xaneiro viñeron os de 4º da ESO de Rodeira a contarnos un conto e a ensinarnos a facer grúas de papel para celebrar o día da Paz, o 30 de xaneiro.
O conto chámase "Sadako e as mil grúas de papel". Sadako foi unha nena que tivo unha enfermidade moi grave despois de cair a bomba en Xapón. Cando estaba no hospital, unha amiga contoulle unha lenda que dicía que a quen fixera 1.000 grúas de papel concedíanlle un desexo. Ela comezou a facer grúas para salvarse, pero morreu cando levaba 600 máis ou menos. Os seus amigos fixeron as que faltaban e enterrárona con elas.
Despois de contarnos a historia, os do instituto repartíronse entre nosas mesas, déronnos papeliños pequenos de cores e fixemos as grúas. Gustounos moito esta actividade e temos moitas ganas de que volvan pronto con outra.

Foi unha actividade moi interesante e divertida. Ademais, deixáronnos o libro de Sadako, que estamos a ler na hora de ler dos mércores.

Moitas grazas a estes alumnos e alumnas de 4º da ESO e ás súas profes e... ata pronto!

Da ESO a Primaria: convivindo con Usha

Usha é o título dun libro da autora galega María Reimóndez. Conta as vivencias dunha nena galega na India, a onde viaxa acompañando a súa nai, que traballa nunha ONG.

Esta foi a historia elixida para iniciar o Apadriñamento Lector. Dende o mes de novembro, na hora de ler dos mércores e dos venres, estiven léndolles este libro en voz alta aos alumnos/as de 6º, como parte do proceso de preparación da experiencia do Apadriñamento Lector, na que eles converteranse en padriños e madriñas lectoras dos nenos e nenas de 1º. No blog de Aprendizaxe en Grupos Cooperativos atoparedes máis información.

Pero ademais da lectura, tivemos a sorte de contar cuns "padriños" e "madriñas" de excepción. Once alumnos/as de 2º de ESO do Instituto de Rodeira (algúns deles ex-alumnos/as do cole) prepararon, de xeito voluntario, unha exposición sobre o traballo que fixeron a partires de USHA o pasado curso, e viñeron ao cole a compartila connosco. Explicáronnos toda a información que podemos atopar nun libro antes de abrilo, amosáronnos os coñecementos que adquiriron sobre a cultura e os costumes da India e o significado de palabras coma bindi, sari, árbore neem... que xa nos chamaran a atención durante a lectura, e trouxeron tamén fotos e imaxes da fantástica exposición que fixeron no Instituto. Foi moi interesante como podedes ver:

E como remate da súa visita, apadriñaron e amadriñaron simbólicamente aos alumnos e alumnas de 6º, xa que leron en voz alta tres capítulos máis do libro, primeiro en pequenos grupos e despois para toda a clase. Foi unha bonita experiencia:

Nico e Uxía o describen así:

O venres 26 de novembro viñeron uns nenos e nenas do instituto a falarnos dun libro, chamado Usha, que lles gustou moito e que tamén o estamos lendo nós para unha actividade de Apadriñamento Lector cos de 1º.
Aparte de ensinarnos o que significan algunhas palabras do libro, vimos fotos de como poñían o sari, que é unha roupa tradicional da India e léronnos unhs capítulos do libro, que tamén nos encantou.
Ao rematar regaláronnos uns marcapáxinas e unhas pegatinas para poñer nos libros.

Tanto eu, dende Auladiver, como o alumnado de 6º queremos agradecer a estes alumnos e alumnas de 2º da ESO, a súa colaboración, o seu esforzo e o seu interese por facer unha exposición clara e amena, e tamén ás súas profes Isabel e Pilar que os axudaron e acompañaron. E lembrámoslles que están invitados a volver para amosarnos o seu traballo cando queiran.

Moitas grazas!!!